ສາສະນາພຸດ
ຂໍ້ຫ້າມສຳລັບຊາວພຸດ
“ສິນ 5” ເປັນຂໍ້ປະຕິບັດຂອງຊາວພຸດທີ່ຮູ້ຈັກກັນດີ. ຊື່ງພຣະພຸດທະເຈົ້າໄດ້ໃຫ້ໄວ້ເປັນຫຼັກການໃຫ້ແກ່ສາສະນິກະຊົນ ເພື່ອຍຶດໝັ້ນ ແລະ ປະຕິບັດຕາມ ດັ່ງຕໍ່ໄປນີ້.
5 ອາຊີບທີ່ພຣະພຸທທະເຈົ້າຫ້າມ
1. ສັດຖະວະນີຊຊາ ຄື: ການຄ້າຂາຍອາວຸດ2. ສັດຕະວະນີຊຊາ ຄື: ການຄ້າມະນຸດ3. ມັງສະວະນີຊຊາ ຄື: ການຄ້າຂາຍສັດເພື່ອນຳໄປຂ້າ ຫຼື ຊຸກຍູ້ໃຫ້ທຳຜິດສີນຂໍ້ທີ 14. ມັຊຊະວະນີຊຊາ ຄື: ການຄ້າຂາຍນ້ຳມື່ນເມົາ ລວມທັງຢາເສບຕິດທຸກປະເພດ5. ວິສະວະນິຊຊາ ຄື: ການຄ້າຂາຍຢາພິດ
ວິທີການຖືສິລ8 ຢູ່ເຮືອນແລະເຮັດດ້ວຍຕົນເອງ
ການຖືສິລ 8 ສຳລັບຜູ້ທີ່ຢາກປະຕິບັດທຳ ສາມາດເຮັດຢູ່ເຮືອນກໍໄດ້ ໂດຍປະຕິບັດຕາມສິລ 8 ປະການຂ້າງລຸ່ມນີ້. ການຖືສິລ 8 ແມ່ນຂື້ນກັບຄວາມສະດວກຂອງຜູ້ປະຕິບັດ ເຊັ່ນ: ໃນວັນສິນ 8 ຫລື 15 ຄໍ່າ ຫລື ວັນທຳມະດາກໍໄດ້, ອາດຈະຖືສິີລທັງໝົດມື້ກໍໄດ້ ຫລື ຖືສິລຕາມທີ່ສະດວກ ເຊັ່ນວ່າ: ຖືສີລໃນຊ່ວງເວລາໄຫວ້ພຣະສວດມົນຢ່າງດຽວກໍໄດ້ ແລ້ວຈາກນັ້ນກໍລາສີລ ແລະ ກັບມາຖືສີລ 5 ຄືນຄືເກົ່າໄດ້. ສິລ 8 ບໍ່ໄດ້ມີຈຸດມຸ່ງໝາຍໃຫ້ສາມາດປະຕິບັດໄດ້ສະເພາະ ຜູ້ທີ່ນຸ່ງຂາວຫົ່ມຂາວ ຫລື ເຂົ້າໄປປະຕິບັດຢູ່ວັດໄດ້ເທົ່ານ້ັ້ນ ແຕ່ຄາລະວາດທົ່ວໄປຜູ້ທີ່ຖືສິລ 5 ກໍສາມາດເພີ່ມສິລໄດ້ອີກ 3 ຂໍ້ ໃຫ້ເປັນສິລ 8 ໄດ້, ໂດຍທີ່ບໍ່ຕ້ອງນຸ່ງຂາວ ຫລື ເຂົ້າປະຕິບັດຢູ່ວັດກໍໄດ້. ຖ້າຜູ້ໃດສະດວກນຸ່ງຂາວແລ້ວປະຕິບັດສິລ 8 ກໍຍີ່ງເປັນການດີ. ໃນການຮັກສາສິລ 8 ທີ່ບ້ານ ຜູ້ທີ່ຈະຮັກສາສິລ ຄວນອາບນ້ຳຊຳຣະກາຍໃຫ້ບໍຣິສຸດ ແລ້ວນຸ່ງຫົ່ມຜ້າຂາວ ໂສ້ງເສື້ອຂາວ…
ອາຣາທະນາສິລ 8 ດ້ວຍຕົນເອງ ຈາກນັ້ນຮັບສິລຈາກພຣະສົງ
ບຸກຄົນໃດທີ່ຢາກຈະຖືສິລເປັນບາງໂອກາດ ເຊັ່ນ: ໃນວັນສິນ ຫລື ຕາມເວລາທີ່ສະດວກ ກໍສາມາດເຮັດໄດ້ ເພື່ອເສີມບຸນບາຣະມີໃຫ້ກັບຕົວເອງ. ດີທີ່ສຸດຊ່ວງຖືສິລ 8 ແມ່ນໃສ່ຊຸດຂາວ ຫລັງຈາກອາບນ້ຳໃຫ້ສະອາດຮຽບຮ້ອຍແລ້ວ. ຂັ້ນຕອນຮັບສິລຄົນດຽວແມ່ນກ່າວປະໂຫຍດຕໍ່ໄປນີ້ ແລະ ຈາກນັ້ນຟັງວິດີໂອແລະເວົ້າຕາມພຣະ ຫລື ເວົ້າພ້ອມກັບແມ່ຊີທີ່ຕາມວິດີໂອນີ້: ອະຫັງ ພັນເຕ ຕິສະຣະເນນະ ສະຫະ ອັຕຖະສີລານິ ຍາຈາມິ ທຸຕິຍັມປິ ອະຫັງ ພັນເຕ ຕິສະຣະເນນະ ສະຫະ ອັຕຖະສີລານິ ຍາຈາມິ ຕະຕິຍັມປິ ອະຫັງ ພັນເຕ ຕິສະຣະເນນະ ສະຫະ ອັຕຖະສີລານິ ຍາຈາມິ
ເຂົ້າປະດັບດິນ ກັບ ຄຳສອນພຣະພຸດທະເຈົ້າ ໂດຍ ພຣະມະຫາສິງຫາ ໄຂ່ອຳພອນ
ບຸນເຂົ້າປະດັບດິນ ແມ່ນວັນອຸທິດບຸນກຸສົນໃຫ້ແກ່ບັນພະບຸລຸດ ແລະ ຍາດພີ່ນ້ອງຜູ້ລ່ວງລັບ ໂດຍເອົາອາຫານຄາວຫວານໄປແຈກຍາຍໄວ້ຕາມພື້ນດິນ, ຕົ້ນໄມ້, ກຳແພງວັດ, ໜ້າທາດ ເປັນຕົ້ນ.ໂດຍເຊື່ອວ່າ ຍາດພີ່ນ້ອງຜູ້ຕາຍໄປຈະໄດ້ຮັບເອົາ ນີ້ເປັນຮີດເກົ່າຈາກການນັບຖືຜີ ປະເພນີນັບຖືແບບນີ້ມີມາດົນນານ (ເຊິ່ງມີມາກ່ອນພຸດທະສາສະໜາຈະເຂົ້າມາມີບົດບາດ).“ຜີ” ຄຳນີ້ ນອກຈາກໝາຍເຖິງ ຜີຟ້າ ຜີແຖນ ຜີບ້ານ ຜີເມືອງ ແລະ ຍັງໝາຍເຖິງ ຜີບັນພະບຸລຸດ ຄື: ປູ່ຍ່າຕາທວດ ພໍ່ແມ່ ທີ່ລ່ວງລັບ ຍົກຕົວຢ່າງທາງພາກເໜືອ ໄດ້ຟັງມາວ່າ ເມື່ອເຖິງ ວັນແຮມ 15 ຄ່ຳ ເດືອນ 9 ຊາວບ້ານຈະເອົາອາຫານຄາວຫວານແຕ່ງເປັນພາ ວາງໄວ້ສ່ວນໃດສ່ວນໜຶ່ງທີ່ເໝາະສົມໃນເຮືອນຂອງຕົນເອງ ແລ້ວເອີ້ນ ຜີບັນພະບຸລຸດມາກິນ.ທີ່ອື່ນໆ ຂອງປະເທດເຮົາ ຫຼາຍບ່ອນຍັງນັດກັນເລືອກວັນລ້ຽງຜີປະຈຳປີ ມີການຂ້າຄວາຍ ຂ້າງົວ ຂ້າໄກ່ ເປັນຕົ້ນ ເປັນທຳນຽມຂອງໝູ່ບ້ານ ເມື່ອພຸດທະສາສະໜາເຂົ້າມາມີບົດບາດ ຈຶ່ງສະເໜີແນວຄິດເພື່ອປະຕິບັດໃຫ້ຖືກຕ້ອງແລະເປັນປະໂຫຍດຫຼາຍກວ່າ ໂດຍອະທິບາຍວ່າ ສິ່ງທີ່ບັນພະບຸລຸດ ຈະໄດ້ຮັບຈິງໆນັ້ນ ບໍ່ແມ່ນເຂົ້າປາອາຫານ ແຕ່ເປັນ ”ບຸນ” ຕ່າງຫາກ.ແລ້ວເຮັດແນວໃດຈຶ່ງໄດ້ບຸນ? ບຸນຈະເກີດໄດ້ດ້ວຍການຖວາຍທານແກ່ຜູ້ມີສີນ…
ລາສີ ວັນຊ່ວງວັນເກີດ
ການນັບລາສີ ແມ່ນອ້າງອີງຈາກກຸ່ມດາວເທິ່ງທ້ອງຟ້າ ແລະ ຈະນັບຕາມຊ່ວງເວລາການໂຄຈອນຂອງດວງພຣະອາທິດ ຊຶ່ງຈະເກີດຂື້ນທຸກໆ 30 ວັນ ຫລື 1 ເດືອນ. ໃນໜຶ່ງປີມີ 12 ຣາສີ ຊື່ງນັບຕັ້ງແຕ່ຊ່ວງວັນເກີດດັ່ງລຸ່ມນີ້: ຜູ້ທີ່ເກີດຣາສີ ທະນູ : ຕັ້ງແຕ່ວັນທີ 16 ທັນວາ – 15 ມັງກອນ ຜູ້ທີ່ເກີດຣາສີມັງກອນ : ຕັ້ງແຕ່ 16 ມັງກອນ – 15 ກຸມພາ ຜູ້ທີ່ເກີດຣາສີກຸມ : ຕັ້ງແຕ່ 16 ກຸມພາ– 15 ມີນາ ຜູ້ທີ່ເກີດຣາສີມິນ : ຕັ້ງແຕ່ 16 ມີນາ – 15 ເມສາ ຜູ້ທີ່ເກີດຣາສີເມກ : ຕັ້ງແຕ່ 16 ເມສາ – 15 ພຶດສະພາ ຜູ້ທີ່ເກີດຣາສີພຶກ…
ການທຳບຸນ
ພຣະພຸທທະສາສະນາ ບັນຍັດເລື່ອງການທຳບຸນໄວ້ມີ 3 ປະເພດ: ການທຳບຸນທັງສາມປະເພດນີ້ ຄືການທຳບຸນງ່າຍໆ, ທຳບຸນເຫັນຜົນທັນຕາ ເພາະຊ່ວຍໃຫ້ຈິດໃຈສະຫງົບ, ຊ່ວຍຕັດຕົ້ນເຫດແຫ່ງທຸກ, ຈິດໃຈຈິ່ງແຈ່ມໃສ ແລະ ເບີກບານ ຊຶ່ງເປັນຜົນທີ່ເຫັນໄດ້ແບບທັນທີເມື່ອເຮົາຄິດດີ, ເວົ້າດີ ແລະ ໝັ່ນບໍລິຫານຈິດໃຈໃຫ້ຕັ້ງຢູ່ໃນຄວາມບໍລິສຸດ. ການທຳບຸນແບບໃດໄດ້ອະນິສົງແຮງ ເຊື່ອວ່າຫລາຍໆ ຄົນຄົງເຄີຍມີຄຳຖ່າມທີ່ວ່າ ທຳບຸນອັນໃດ ທຳບຸນແບບໃດໄດ້ອະນິສົງແຮງ? ການທຳບຸນທີ່ດີທີ່ສຸດ ຄືການທຳບຸນທີ່ບໍ່ບຽດບຽນຕົນເອງ, ບໍ່ບຽດບຽນຄົນອື່ນ ບໍ່ວ່າຈະເລື່ອກທຳບຸນດ້ວຍວິທີໃດ ກໍຢ່າລື່ມວ່າ ການທຳບຸນທີ່ດີທີ່ສຸດ ຄືການທຳບຸນທີ່ຕົນເອງບໍ່ເດືອດຮ້ອນ ຢູ່ໃນຂອບເຂດທີ່ຕົນເອງສາມາດທຳບຸນໄດ້ ໂດຍບໍ່ບຽດບຽນຊັບຂອງຕົນເອງ ແລະ ຂອງຄົນອື່ນ. ທີ່ສຳຄັນການທຳບຸນທີ່ຖືກວິທີ ຍັງຕ້ອງປະກອບດ້ວຍປັດໃຈອື່ນໆ ຄື: ຊັບສິນ ຫລື ສິ່ງຂອງທີ່ໄດ້ມາຕ້ອງໄດ້ມາໂດຍສຸດຈະຣິດ ບໍ່ໄດ້ໄປບຽດບຽນຜູ້ໃດມາ ແລະ ການທຳບຸນຕ້ອງທຳດ້ວຍໃຈບໍລິສຸດ ເຕັມໃຈ ບໍ່ຝຶນທຳ ຈຶ່ງຈະເປັນການທຳບຸນທີ່ໄດ້ອະນິສົງແຮງ ແລະ ຊ່ວຍໃຫ້ຈິດໃຈສະຫງົບບໍລິສຸດຢ່າງແທ້ຈິງ.
