2.1 ຄຳບູຊາພຣະຣັຕນະໄຕຣ
ໂຍໂສ ພະຄະວາ ອະຣະຫັງ ສັມມາສັມພຸທໂທ, ສວາກຂາໂຕ ເຍນະ ພະຄະວະຕາ ທັມໂມ, ສຸປະຕິປັນໂນ ຍັສສະ ພະຄະວະໂຕ ສາວະກະສັງໂຄ, ຕັມມະຍັງ ພະຄະວັນຕັງ ສະທັມມັງ ສະສັງຄັງ, ອິເມຫິ ສັກກາເຣຫິ ຍະຖາຣະຫັງ ອາໂຣປິເຕຫິອະພິປູຊາຍາມະ, ສາທຸໂນພັນເຕ ພະຄະວະ ສຸຈິຣະປະຣິນິພພຸໂຕປິ, ປັຈສິມາ ຊະນະຕານຸກັມປະມານະສາ, ອິເມສັກກາເຣ ທຸຄຄະຕະປັນນາກາຣະພູເຕ ປະຕິຄຄັນຫາຕຸ, ອັມຫາກັງ ທິຄະຣັຕຕັງ ຫິຕາຍະ ສຸຂາຍະ.
2.2 ຄຳນະມັດສະການ
ອະຣະຫັງ ສັມມາສັມພຸທໂທ ພະຄະວາ, ພຸທທັງພະຄະວັນຕັງ ອະພິວາເທມິ ( ຂາບລົງ 1 ຄັ້ງ )
ສວາກຂາໂຕ ພະຄະວະຕາ ທັມໂມ, ທັມມັງ ນະມັສສາມິ ( ຂາບລົງ 1 ຄັ້ງ )
ສຸປະຕິປັນໂນ ພະຄະວະໂຕ ສາວະກະສັງໂຄ, ສັງຄັງ ນະມາມິ ( ຂາບລົງ 1 ຄັ້ງ )
2.3 ປຸພພະພາຄະນະມະກາຣະ
ກ່າວນຳ: ຫັນທະມະຍັງ ພຸທທັສສະ ພະຄະວະໂຕ, ປຸພພະພາຄະນະມະກາຣັນເຈວະ, ພຸທທານຸສະຕິນະຍັນຈະ ກະໂຣ ມະເສໆ.
ນະໂມຕັສສະ ພະຄະວະໂຕ ອະຣະຫະໂຕ ສັມມາສັມພຸທທັສສະ (ວ່າ 3 ເທື່ອ)
2.4 ພຸທທານຸສສະຕິ
ຕັງໂຂ ປະນະ ພະຄະວັນຕັງ ເອວັງ ກັລຍາໂນ ກິຕຕິສັທໂທ ອັພພຸຄຄະໂຕ, ອິຕິປິໂສ ພະຄະວາ ອະຣະຫັງ ສັມມາສັມພຸທໂທ, ວິຊຊາ ຈະຣະນະ ສັມປັນໂນ ສຸຄະໂຕ ໂລກະວິທູ, ອະນຸຕຕະໂຣ ປຸຣິສະທັມມະ ສາຣະຖີ ສັຕຖາ ເທວະ ມະນຸສສານັງ
ພຸທໂທ ພະຄະວາຕິ.
2.5 ພຸທທາພິຄີຕິ
ກ່າວນຳ: ຫັນທະມະຍັງ ພຸທທາພິຄີຕິງ ກະໂຣມະເສ
ພຸທທະວາຣະຫັນຕະວະຣະຕາທິຄຸນາພິຍຸຕໂຕ, ສຸທທາພິຍານະກະຣຸນາທິ ສະມາຄະຕັຕໂຕ, ໂພເທສິ ໂຍ ສຸຊະນະຕັງ ກະມະລັງວະ ສູໂຣ, ວັນທາມະຫັງ ຕະມະຣະນັງ ສິຣະສາ ຊີເນນທັງ, ພຸທໂທ ໂຍ ສັພພະປານີນັງ ສະຣະນັງ ເຂມະມຸຕຕະມັງ, ປະຖະມານຸສສະຕິຕຖານັງ ວັນທາມິ ຕັງ ສິເຣນະຫັງ, ພຸທທັສສາຫັສມິ ທາໂສ (ຜູ້ຍິງໃຫ້ວ່າ: ທາສີ) ວະພຸທໂທ ເມ ສາມິກິສສະໂຣ, ພຸທໂທ ທຸກຂັສສະ ຄາຕາ ຈະ ວິທາຕາ ຈະ ຫິຕັສສະ ເມ, ພຸທທັສສາຫັງ ນິຍຍາເທມິ ສະຣິຣັນຊີວິຕັນຈິທັງ, ວັນທັນໂຕຫັງ ຈະຣິສສາມິ, ພຸທທັສເສວະ ສຸໂພທິຕັງ, ນັຕຖິ ເມ ສະຣະນັງ ອັນຍັງ, ພຸທໂທ ເມ ສະຣະນັງ ວະຣັງ, ເອເຕນະ ສັຈຈະວັຊເຊນະ ວັທເທີຍຍັງ ສັຕຖຸ ສາສະເນ, ພຸທທັງ ເມ ວັນທະມາເນນະ ຍັງ ປຸນຍັງ ປະສຸຕັງ ອິທະ, ສັພເພປິ ອັນຕະຣາຍາ ເມ, ມາເຫສຸງ ຕັສສະ ເຕຊະສາ (ໝອບຂາບລົງວ່າ)
ກາເຍນະ ວາຈາຍະວະ ເຈຕະສາ ວາ, ພຸທເທ ກຸກັມມັງ ປະກະຕັງ ມະຍາຍັງ, ພຸທໂທ ປະຕິຄຄັນຫາຕຸ ອັຈຈະຍັນຕັງ, ກາລັນຕະເຣ ສັງວະຣິຕຸງ ວະ ພຸທເທ.
2.6 ທັມມານຸສສະຕິ
ກ່າວນຳ: ຫັນທະມະຍັງ ທັມມານຸສສະຕິນະຍັງ ກະໂຣມະ ເສ
ສວາກຂາໂຕ ພະຄະວະຕາ ທັມໂມ, ສັນທິຖຖິໂກ ອະກາລິໂກ ເອຫິປັສສິໂກ, ໂອປະນະຍິໂກ ປັຈຈັຕຕັງ ເວທິຕັພໂພ ວິນຍູຫິຕິ.
2.7 ທັມມາພິຄີຕິ
ກ່າວນໍາ: ຫັນທະມະຍັງ ທັມມາພິຄີຕິງ ກະໂຣມະ ເສ
ສວາກຂາ ຕະຕາທິຄຸນະໂຍຄະວະເສນະ ເສີຍໂຍ, ໂຍ ມັຄຄະປາກະ ປະຣິຍັຕຕິວິໂມກຂະເພໂທ, ທັມໂມ ກຸໂລກະປະຕະນາ ຕະທະທາຣິທາຣີ, ວັນທາມະຫັງ ຕະມະຫະຣັງ ວະຣະທັມມະເມຕັງ, ທັມໂມ ໂຍ ສັພພະປານີນັງ ສະຣະນັງ ເຂມະມຸຕຕະມັງ, ທຸຕິຍານຸສສະຕິຕຖານັງ ວັນທາມິ ຕັງ ສິເຣນະຫັງ,ທັມມັສສາຫັສມິ ທາໂສ (ຜູ້ຍິງເວົ້າ: ທາສີ) ວະ, ທັມໂມເມ ສາມິກິສສະໂຣ, ທັມໂມ ທຸກຂັສສະ ຄາຕາ ຈະ ວິທາຕາ ຈະ ຫິຕັສສະ ເມ, ທັມມັສສາຫັງ ນິຍາເທມິ ສະຣິຣັນ ຊີວິຕັນຈິທັງ, ວັນທັນໂຕຫັງ (ວັນທັນຕີຫັງ) ຈະຣິສສາມິ, ທັມມັສເສວະ ສຸທັມມະຕັງ, ນັຕຖິ ເມ ສະຣະນັງ ອັນຍັງ, ທັມໂມ ເມ ສະຣະນັງ ວະຣັງ, ເອເຕນະ ສັຈຈະວັຊເຊນະ ວັທໄທຍັງ ສັຕຖຸສາສະເນ, ທັມມັງ ເມ ວັນທະມາເນນະ (ວັນທະມານາຍະ) ຍັງ ປຸນຍັງ ປະສຸຕັງ ອິທະ, ສັພເພປິ ອັນຕະຣາຍາ ເມ, ມາເຫສຸງ ຕັສສະ ເຕຊະສາ.
( ໝອບຂາບລົງວ່າ )
ກາເຍນະ ວາຈາຍະວະ ເຈຕະສາວາ, ທັມເມ ກຸກັມມັງ ປະກະຕັງ ມະຍາຍັງ, ທັມໂມ ປະຕິຄຄັນຫາຕຸ ອັຈຈະຍັນຕັງ, ກາລັນຕະເຣ ສັງວະຣິຕຸງ ວະ ທັມເມ.
2.8 ສັງຄານຸສສະຕິ
ກ່າວນຳ: ຫັນທະມະຍັງ ສັງຄັງນຸສສະຕິນະຍັງ ກະໂຣມະເສ
ສຸປະຕິປັນໂນ ພະຄະວະໂຕ ສາວະກະສັງໂຄ, ອຸຊຸປະຕິປັນໂນ ພະຄະວະໂຕ ສາວະກະສັງໂຄ,
ຍາຍະປະຕິປັນໂນ ພະຄະວະໂຕ ສາວະກະສັງໂຄ, ສາມີຈິປະຕິປັນໂນ ພະຄະວະໂຕ ສາວະກະສັງໂຄ, ຍະທິທັງ ຈັຕຕາຣິ ປຸຣິສະຍຸຄານິ ອັຕຖະ ປຸຣິສະປຸຄຄະລາ, ເອສະ ພະຄະວະໂຕ ສາວະກະສັງໂຄ, ອາຫຸໄນໂຍ ປາຫຸໄນໂຍ ທັກຂິໄນໂຍ, ອັນຊະລີກະຣະນິໂຍ, ອະນຸຕຕະຣັງ ປຸນຍັກເຂຕຕັງ ໂລກັສສະຕິ.
2.9 ສັງຄາພິຄີຕິ
ກ່າວນຳ: ຫັນທະມະຍັງ ສັງຄາພິຄີຕິງ ກະໂຣມະເສ
ສັທທັມມະໂຊ ສຸປະຕິປັຕຕິຄຸນາທິຍຸຕໂຕ, ໂຍຕຖັພພິໂທ ອະຣິຍະປຸຄຄະລະສັງຄະເສຕໂຖ,
ສີລາທິທັມມະປະວະຣາ ສະຍະກາຍະຈິຕໂຕ, ວັນທາມະຫັງ ຕະມະຣິຍານະຄະນັງ ສຸສຸທທັງ,
ສັງໂຄ ໂຍ ສັພພະປານີນັງ ສະຣະນັງ ເຂມະມຸຕຕະມັງ, ຕະຕິຍານຸສສະຕິຕຖານັງ ວັນທາມິ ຕັງ ສິເຣນະຫັງ, ສັງຄັສສາຫັສມິ ທາໂສ (ຜູ້ຍິງເວົ້າ: ທາສີ) ວະ ສັງໂຄ ເມ ສາມິກິສສະໂຣ, ສັງໂຄ ທຸກຂັສສະ ຄາຕາ ຈະ ວິທາຕາ ຈະ ຫິຕັສສະ ເມ, ສັງຄັສສາຫັງ ນິຍາເທມິ ສະຣິຣັນຊີວິຕັນຈິທັງ, ວັນທັນໂຕຫັງ (ວັນທັນຕີຫັງ) ຈະຣິສສາມິ, ສັງຄັສໂສ ປະຕິປັນນະຕັງ, ນັຕຖິ ເມ ສະຣະນັງ ອັນຍັງ, ສັງໂຄ ເມສະຣະນັງ ວະຣັງ, ເອເຕນະ ສັຈຈະວັຊເຊນະ ວັທໄທຍັງ ສັຕຖຸ ສາສະເນ, ສັງຄັງ ເມ ວັນທະມາເນນະ (ວັນທະມານາຍະ) ຍັງ ປຸນຍັງ ປະສຸຕັງ ອິທະ, ສັພເພປິ ອັນຕະຣາຍາ ເມ, ມາເຫສຸງ ຕັສສະ ເຕຊະສາ.
( ໝອບຂາບລົງວ່າ )
ກາເຍນະ ວາຈາຍະວະ ເຈຕະສາວາ, ສັງເຄ ກຸກັມມັງ ປະກະຕັງ ມະຍາຍັງ, ສັງໂຄ ປະຕິຄຄັນຫາຕຸ ອັຈຈະຍັນຕັງ, ກາລັນຕະເຣ ສັງວະຣິຕຸງ ວະ ສັງເຄ.
ອຸທທິສສະນະຄາຖາ (ຢາດນ້ຳ)
ກ່າວນຳ: ຫັນທະມາຍັງ ອຸທທິສສະນະຄາຖາໂຍ ພະນາມະເສ
ອິມິນາປຸນຍະກັມເມ ນະອຸປັດຊາຍາ ຄຸນຸດຕະຣາ, ອາຈາຣິຍູປະກາຣາ ຈະມາຕາປິຕາ ຈະຍາຕະກາ ປິຍາມະມັງ, ສຸຣິໂຍຈັນທິມາ ຣາຊາຄຸນະວັນຕາ ນະຣາປິຈະ, ພຣົມມະມາຣາ ຈະອິນທາ ຈະຕຸໂລກະປາລາ ຈະເທວະຕາ, ຍະໂມມິດຕາ ມະນຸດສາ ຈະ ມັດຊັດຕາ ເວຣິກາປິຈະ, ສັບເພສັດຕາ ສຸຂີໂຫນຕຸ ປຸນຍານິປະກະຕານິເມ, ສຸຂັງຈະຕິວິທັງເທນຕຸ ຂິບປັງປາເປຖະໂວມະຕັງ
ອິມິນາ ປຸນຍະ ກັມເມນະ ອິມິນາອຸດທິເສນະ ຈະ, ຂິບປາຫັງ ສຸລະເພ ເຈວະຕັນ ຫຸປາທານະ ເສທະນັງ, ເຍສັນຕາ ເນຫິນາ ທັມມາ ຍາວະນິບພານະໂຕ ມະມັງ, ນັດສັນຕຸ ສັບພະທາ ເຍວະ ຍັດຖະ ຊາໂຕ ພະເວ ພະເວ, ອຸຊຸຈິດຕັງ ສະຕິປັນຍາ ສັນເລໂຂ ວິຣິຍັມຫິນາ, ມາຣາລະພັນຕຸ ໂນກາສັງກາຕຸນ ຈະ ວິຣິເຍສຸເມ, ພຸດທາທິປະວະໂຣ ນາໂຖ ທັມໂມ ນາໂຖວະຣຸດຕະໂມ, ນາໂຖປັດເຈກະພຸດໂທ ຈະ ສັງໂຄ ນາໂຖຕະໂຣ ມະມັງ, ເຕໂສດຕະມານຸພາເວນະ ມາໂຣກາສັງ ລະພັນຕຸມາ ຯ
