ແງ່ຄິດຄະຕິທິມ (ໄປເຮັດຫຍັງ ).
– ມີເງິນຕັ້ງເປັນຕື້ເປັນໂກດ – ແຕ່ບໍ່ນໍາມາໄຊ້ໃຫ້ເປັນປະໂຫຍດ ແກ່ຕົນເອງ ແລະ ສ່ວນລວມ, ມີໄປເຮັດຫຍັງ?
– ມີບ້ານໃຫຍ່ໂຕມະໂຫລານເໝືອນກັບຄະລືຫາດ – ແຕ່ຢູ່ກັນພຽງບໍ່ເຖິງ ໕ ຄົນພໍ່-ແມ່ ແລະ ລູກ, ມີໄປເຮັດຫຍັງ?
– ມີໂມງລາຄາແພງເປັນລ້ານຂຶ້ນໄປ – ແຕ່ບໍ່ເຄີຍເຮັດຫຍັງຕົງຕາມເວລາຈັກເທື່ອ, ມີໄປເຮັດຫຍັງ?
– ມີເວລາຢູ່ໃນໂລກ ບໍ່ເຖິງ ໑໐໐ ປີ – ແຕ່ກັບແບ່ງເວລາໄປບຽດບຽນຄົນອື່ນ, ມີໄປເຮັດຫຍັງ?
– ກົດໝາຍເປັນຫຼາຍພັນມາດຕາ ແຕ່ມີອາຊະຍາກອນເຕັມບ້ານເຕັມເມືອງ, ມີໄປເຮັດຫຍັງ?
– ມີພໍ່ແມ່ຢູ່ບ້ານ ແຕ່ບໍ່ບົວລະບັດເພິ່ນ ບໍ່ເບິ່ງແຍງ ເພິ່ນເລີຍ, ມີໄປເຮັດຫຍັງ?
– ມີປຶ້ມພຣະໄຕປິດົກ ແລະ ປຶ້ມທັມມະເຕັມຕູ້ – ແຕ່ບໍ່ເຄີຍ ເປີດສາອ່ານສຶກສາຮຽນຮູ້ເລີຍ, ມີໄປເຮັດຫຍັງ?
– ມີວັດຢູ່ເກືອບທຸກໝູ່ບ້ານ ແຕ່ສິລທັມຂອງສັງຄົມ ເຊື່ອມຊາມລົງທຸກວັນ, ມີໄປເຮັດຫຍັງ?
– ມີພີ່ນ້ອງຍາດມິດຫຼາຍຄົນ ແຕ່ແຕກແຍກຄວາມສາມັກຄີກັນທຸກຄົນ, ມີໄປເຮັດຫຍັງ?
– ມີຕີນມີມືຄົບສົມບູນ ແຕ່ບໍ່ເຄີຍອອກເຮື່ອແຮງ ເຮັດວຽກຫຍັງເລີຍ, ມີໄປເຮັດຫຍັງ?
– ມີຫູສອງຂ້າງ ແຕ່ບໍ່ເຄີຍເຂົ້າວັດຟັງທັມຈັກເທື່ອ, ມີໄປເຮັດຫຍັງ?
– ມີຕາສອງຂ້າງ ແຕ່ບໍ່ເຄີຍມອງຫາສິ່ງທີ່ດີເລີຍ, ມີໄປເຮັດຫຍັງ?
